---

---

Location

Wales | United Kingdom

---

Job description

Swyddog Cyfathrebu (FTC)
Caerdydd neu Lanelwy (gyda gwaith hybrid)

Y Sefydliad

Yn Gofal Cymdeithasol Cymru, rydym yn darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.

Ein gweledigaeth yw gwneud gwahaniaeth cadarnhaol i ofal a chymorth i blant, oedolion a’u teuluoedd a’u gofalwyr.

I wneud hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, data ac ymchwil i wella gofal.

Rydym nawr yn chwilio am ddau Swyddog Cyfathrebu Cymraeg eu hiaith i ymuno â ni yn llawn amser. Mae un rôl am gontract cyfnod penodol o 12 mis a'r llall yn barhaol.

Y Manteision

- Cyflog o £32,458 - £34,318 y flwyddyn (pro rata)
- 28 diwrnod o wyliau ynghyd â gwyliau banc pro rata (cynyddu gyda hyd gwasanaeth)
- Diwrnodau ychwanegol i ffwrdd rhwng y Nadolig a'r Flwyddyn Newydd
- Cynllun pensiwn llywodraeth leol
- Polisi gwaith hyblyg
- Gweithio hybrid
- Polisi absenoldeb teuluol

Y Rôl

Fel Swyddog Cyfathrebu, byddwch yn creu ac yn cyhoeddi cynnwys ar gyfer ein cynulleidfaoedd ar-lein ac all-lein.

Gan sicrhau bod ein cynnwys yn glir, yn hawdd ei ddeall, ac yn unol â’n safonau corfforaethol, byddwch yn defnyddio’r sianeli gorau i gyrraedd ein cynulleidfaoedd, gan gynnwys ein gwefan a llwyfannau cyfryngau cymdeithasol. Byddwch hefyd yn creu cynlluniau marchnata a chyfathrebu ar gyfer y cynnwys y byddwch yn ei ddatblygu.

Byddwch yn gweithio i ddeall anghenion ein cynulleidfa ac yn cynhyrchu cynnwys sy'n ymgysylltu â nhw'n effeithiol. Byddwch hefyd yn arwain eich cydweithwyr ar baratoi cynnwys sy’n bodloni anghenion defnyddwyr ac sy’n cyd-fynd â’n canllawiau brandio a hygyrchedd.

Amdanoch Chi

I gael eich ystyried yn Swyddog Cyfathrebu, bydd angen y canlynol arnoch:

- Rhuglder yn y Gymraeg a'r Saesneg
- Hanes profedig o weithio fel awdur a/neu olygydd a throi testun technegol yn iaith glir
- Profiad profedig o ymchwilio a dadansoddi cynulleidfaoedd targed
- Profiad o strwythuro, dylunio a chyhoeddi cynnwys sy'n canolbwyntio ar y defnyddiwr ar gyfer sianeli ar-lein ac all-lein
- Profiad o gefnogi eraill i ddatblygu a chyhoeddi cynnwys ar-lein
- Profiad o greu a chyflawni cynlluniau marchnata a chyfathrebu
- Gwybodaeth am sut i ddehongli data ansoddol a meintiol (gan gynnwys dadansoddeg gwe)
- Dealltwriaeth o gynnwys HTML, systemau rheoli cynnwys gwefannau ac optimeiddio peiriannau chwilio
- Gwybodaeth ymarferol o sut i gynhyrchu cynnwys hygyrch

Y dyddiad cau ar gyfer y rôl hon yw canol dydd ar 23 Hydref 2023.

Gall sefydliadau eraill alw'r rôl hon yn Swyddog Marchnata a Chyfathrebu, Swyddog Marchnata, Ysgrifennwr Copi, Golygydd Cynnwys, Swyddog Gweithredol Marchnata, Gweithredwr Marcoms, Swyddog Cyfathrebu Marchnata, Swyddog Cyfryngau a Chyfathrebu, neu Swyddog Gweithredol Cyfathrebu.

Felly, os ydych chi am ddatblygu eich set sgiliau fel Swyddog Cyfathrebu, gwnewch gais trwy'r botwm a ddangosir.

---

Job tags

---

---

Salary